Bismillah shareef ka asan amal

Assalamualaikum:::

ye amal mere un bhaaio k liye khaas hai jinki bivi apne hukuk adaa na karti ho or gair ke chakkar mai padkar apni shadishuda zindgi kharaab kar rahi ho. or un behno ke liye bhi khaas hai jinke shohar kisi gair ke chakkar mai pad gye ho or apne hukuk thik se adaa na karte ho. matlab is amal ke zariye aap kisi ke najayaz rishte ko khatm kar sakte hain.or ye amal un hazraat ke liye bhi hai jo kisi se muhabbat karte ho/ karti ho. magar ho daayra a shariyat mai. haraam niyat se karne waale nuksaan utha sakte hain::

tariqa::: jab bhi maah ki nochandi jumeraat aaye to paak saaf baawuzu hokar baad namaaz a isha qibla rukh do jaanu baithe or 786 baar ""BISMILLAH shareef" ka wird kare or paani par dum kare.ab ye paani apne shohar ya apni bivi ya apne matloob ko pila de. in sha ALLAH matloob ke dil muhabbat ka toofan mauj maarne lagega.

NOTE:::: wazeefa padne se pehle 21 baar awwal o aakhir darud a ibraahimi ka wird zarur kar len.

shukriya.

ALLAH hafiz.

ehatlaam ka ruhani ilaj

Assalamualaikum:::::

Aaj ke daur mai bahut se hazraat aise hain jo apni mardaana quwwat se kamzor hain. Or neem hakeemo or jhola chaap doctoro ke chakkar mai hajaaro rupaye barbaad kar dete hain or fayda kuch nahi hota.. ye amal mere un bhaaio ke liye hai jinhe dhaat (( yaani ki mani( sperm) ki problem ho yaani ki har waqt ya istinja ke baad sperm nikalte ho..amal bahut aasan hai koi bhi fard kar sakta hai.

Tariqa:::: raat ko jab bhi bister par aaye to sidha letkar shahadat ki ungli se apni naaf ke thoda sa niche se "" ya UMAR"" likhe. Or is tareh likhe ki aakhiri harf naaf par khatm ho. Aisa rozana 7 baar kare. In sha ALLAH aap jaldi hi farq mehsus karenge..

ALLAH haafiz.

muwaqqil tabey karne ka amal

ye ek aasan amal hai jisme koi khatra nahi.koi bhi fard kar sakta hai. basharte yakin ho. or amal karne ki lagan ho. zyadatar hazraat bamuwaqqil amal nahi batate. lekin ALLAH ke fazl se mai aapki khidmat mai ye amal pesh kar raha hu...kisi bhi maah ko hum do hisso mai bant sakte hain ek andhera dusra ujala. andherese muraad jisme amawasya ho or ujale se muraad poornima hai. andhere mai jo amliyat kiye jate hain unme miya bv mai judayi ladayi karobar babdish jaise amal kiye jate hain or ujaale mai iske ulat kiye jate hain. jaise miya bv mai muhabbat k amal karobar mai barkat ke amal wageraah kiye jate hain. to ye amal aap ujaale mai shuru karen. ummid hai ki aap ye baat samajh gaye honge. ab amal aapki khidmat mai pesh hai..


tariqa::::: nochandi jumeraat ko baad namaaz a isha taaza wuzu kare or damishq ki taraf do janu baithkar ALLAH ka muqaddas naam "" YA KHABEERU"" ka wird 141 baar kare.. or jis jagehamal kare usi jageh so jaaye... (( jab ap ye amal karenge to apko khwaab mai ek muwaqqil apni bashrat dega. ALLAH k fazl se mujhe pehli hi raat mai basharat mili jisme muwaqqil safed libaas mai haazir huye. lekin fir bhi isme kam sekam 7 din ka waqt lagta hai. baaki aapki ruhaniyat or yakin par hai)..jab aapko basharat mil jaaye to uske baad aap comment kar den. baaki ka amal uske baad aapki khidmat mai pesh kar diya jaayega.



.NOTE::::::: wazeefe k awwal o aakhir 11 baar darud shareef zarur paden. khushbu ka khaas istemaal karen. paak saaf wuzu mai rahen.darudka wird chalte firte uthte baithte karte, rahen.amal start karne ka time 11:30 se 1:30 baje tak hai.aap is time ke bich kabhi bhi amal start kar sakte hain. or jis time par pehle din amal start karenge. hmesha usi time par amal padna hoga....


PARHEJ::::: parhej sirf gunaaho se bachne ka hai.khaane pine ki koi paabandi nahi hai lekin dudh machli maas anda lehsun pyaaj se ahetiyat barte to behtar hai..

rizq mai barkat ke liye

Assalamualaikum

ye amal bahut aasan hai. Wazeefa padne mai waqt bhi bahut kam lagta hai or asar bhi hota hai. To pesh hai aapki khidmat mai ye amal. Karen or fayda uthayen::


Tariqa::;; bad namaaz a fajr qibla rukh do jaanu baithkar 3125 baar ALLAH k muqaddas or pak naam"" YA RAZZAQU "' ka wird kare. Amal ki muddat 40 din hai.ALLAH k fazl se isse pehle hi asar zaahir hone lagega..

NOTE::: wazeefe ke awwal o aakhir 7 baar darud a ibraahimi ka wird zarur karen.


Apni duao mai yaad rakhen...


ALLAH haafiz
.

amal a hub

Assalamualaikum::::


Ye amal quraan a kareem ki surat surah quresh ka hai.aasan hone ke sath sath tez asar rakhta hai..


TARIQA::::: jab bhi nochandi budh ya jumeraat aaye to baad namaaz a isha qibla rukh hokar 125 baar surah quresh ka wird kare. Wird muqammal hone ke baad kisi mithi chij par dum kare or matloob ko khilaa de.in sha ALLAH bahut muhabbat paida hogi...


NOTE:::: wazeefe ke awwal o aakhir 21 baar darud a ibraahimi zarur pade.
Or wird karte waqt matloob ka tassawar zarur karen...



Aapki duao ka talabghar.

Gulaam a gaus a aazam.

surah fariha se istekhara

Assalamualaikum::::

Surah fatiha wo azeem surat hai jo har rakaat mai padi jaati hai. Hadees mai hai ki surah faatiha mai har bimaari se shifa hai. Iske beshumaar fazaail hain jinka bayan karne se zubaan qasir hai. Isi azeem surat ka ek behatreen amal aapki khidmat mai pesh karta hu. Karen or fayda uthaayen..


Tariqa::: baad namaaz a isha taaza wuzu kar qibla rukh do jaanu baithkar 100 baar surah faatiha ka wird kare or sunnat tariqe se apne maqsad ke bare mai sochte huye so jaye. In sha ALLAH pehli hi raat mai jawaab mil jaayega.



NOTE::: wazeefe ke awwal o akhir 11 baar darud a ibraahimi ka wird zarur kar len..


Shukriya.

istekhara

Assalamualaikum::

Aaj aapki khidmat mai jo istekhaara pesh kiya jaa raha hai wo bada hi zabardast hai. Or jab bhii mujhe koi kam.hota hai to.mai isi ko karta hu or pehli hi raat mai jawaab mil jaata hai.fir bhi behtar hai ki istekhaare ko kam se kam 3 din or zyada se zyada 7 din kare. Pesh hai aapki khidmat mai ye aasan saa istekhara karen or fayda uthaayen.


Tariqa::: sawaali ko chahiye ki baad namaaz a isha taza wuzu kare or qibla rukh do jaanu baithkar 1000 baar "" YA SHEIKH ABDUL QAADIR JEELANI SHAY AN LILLAH"" ka wird kare fir apne sidhe hath pr dum karke sunnat tariqe se so jaaye.ji kaam k liye istekhara kiya jaaye use man hi man dohrate rahe. In sha ALLAH pehli hi rat jawab mil jaayega..


Note:::: wazeefe k awwal o aakhir 21 baar darud a ibraahimi ka wird zarur karen.or ye wazeefa tab bhi istemaal kiya jaata hai jab koi mushkil ho. Agar ap mushkil k waqt is wazeefe ka wird karen to ALLAH aapki mushqil aasan kar deta hai.


Apni beshkimti duao mai yad rakhen..

ALLAH haafiz.